Дзівосная, непрыручаная, светлая, лірычная, пранізлівая, душэўная, шчырая, летуценная, самаахвярная, высакародная... Цяжка памыліцца і не пазнаць за гэтымі вызначэннямі паэтэсу Яўгенію Янішчыц. Да яе 75-годдзя ў аб'яднанні "Мова цікавая і займальная" (педагог Марына Юр'еўна Клімец) прайшла літаратурная вечарына "Белы анёл Палесся", прысвечаная творчаму і жыццёваму лёсу беларускай Ахматавай.
Навучэнцы чыталі вершы, прагарталі архіўныя фотаздымкі, прагледзелі фільм "Евгения Янищиц. Смерть поэта" з цыкла "Тайны Баларуси" - дакрануліся да дзіўнага свету творчасці "палескай ластаўкі".